Hoe gemaak

Haai haai, dis weer ekke

‘n Jaar is lank, maar tog het daar so baie in die jaar gebeur.

Laas Woensdag was my eerste Woensdag by die jeug vir hierdie jaar.  Dit was vir my skokkend om so baie nuwe gesigte te sien en omtrent niks van die oues nie.  Ek het bietjie gaan snuffel om te hoor hoekom hulle nie meer gaan nie (ek is nie eintlik een om te praat nie maar nou ja).  Hulle redes was almal omdat daar iemand by die jeug was van wie hulle nie hou nie.

My vraag is nou…hoe kry ons die kinders se belangstelling terug op God te  en nie op die mense wat daar gaan wees nie?  Dis tog waaroor die jeug gaan: GOD.

Praise, worship en DVD’s

Jammer vir die stilte…skool is besig om ‘n probleem te raak. Elkgeval… Dit het maar dol gegaan by die gr 6 & 7’s met die reëlings van lesse. Toetse is aan die gang, netbal proewe ens ens. So ons het maar die laaste twee weke lekker gesing.

Nou mens sou nie dink dat die kinders rerig daarvan sal hou nie, maar inteendeel. Hulle was mal daaaroor. My vingers was gaar gespeel Woensdag…eina. Maar dit was deur en deur die moeite werd. Om die kinders op so ‘n manier God te sien en loof en prys is rerig amazing.

Die 18de Mei (dis nou volgende Vrydag) het die leiers ‘n lekker DVD aand gereël vir die kinders. Ons hou duimvas dat hulle dit sal geniet. Ons weet die leiers gaan (of ek altans, animation flieks…jay!!! ). Maar ja. Sal julle op hoogte hou. Pizza’s en popcorn hier kom ons

Skuldgevoel

Wel die slegte nuus is dis weer skool .  Maar die goeie nuus is dat daar weer jeug is! Jay

Vanaand se les (Gr. 6 & 7) was oor skuldgevoel.  Almal het al in hul lewe skuldig gevoel.  Iets verkeerd gedoen waaroor jy baie spyt was.  Wat doen mens met hierdie skuldgevoel?

Wel, die kiddies het baie verskillende antwoorde gegee.  Party skryf al hul skuldgevoelens in ‘n boek neer.  Ander lyk sommer net skuldig en dan vra die ouers die ou bekende vraag van : “Wat het jy gedoen?”.  Party word kwaaf en ignoreer dit.  Ander vergeet dit net.  Maar kan ons werklik van ons skuld weghardloop?

Die antwoord : Nee!  Iewers gaan daardie skuld ons weer inhaal.  Al wat ons kan doen is om God om vergifnis te vra.  Kyk so daarna.  Hy weet al klaar wat jy gedoen het.  Openbaar jou skuld gevoel teenoor die persoon wat jy verkeerd gedoen het.

Wat doen jy as jy skuldig voel?

Vakansie

Oh happy day!!

Dis weer sulke tyd, om net te lê en sleg word voor die TV en ons breine ‘n lekker breek te gee.

Normaalweg is daar nie in die vakansies jeug nie, maar dalk is dit ietwat anders die jaar.  Ons weet nog nie, maar ons sal iets hier skryf as daar is.  As daar nie is nie, wel, geniet dan net jou vakansie.  Dis ons reg as kinders (volwassenes ook) om ‘n blaaskans te hê.

Geniet dit

Menseregtedag

Haai, Annemarie hier

 Wel ja, Woensdag was ‘n publieke vakansiedag so daar was nie vreeslik baie kinders by die jeug nie (alhoewel die geraas van die kinders mens anders sou laat dink )

Maar elkgeval.  Die les was oor God.  Hoe ons Hemelse Vader nou eintlik is.  God is liefde, God is goed.  God weet wat in ons hart en ons gedagtes aangaan nog voor ons dit gevoel of gedink het.  Scary ja, maar ook amazing